Gísli Finnsson sem hefur dvalið á sjúkrahúsi í Torrevieja á Spáni er á loksins á leiðinni heim. Þetta kemur framí frétt Fréttablaðsins.
Hildur Torfadóttir, barnsmóðir Gísla, segir að þau séu í þann mund búin að safna fyrir sjúkraflugi Gísla til Íslands, en þau fengu sjúkraflug á hagstæðara verði.
Fjallað var nánar um mál Gísla og söfnunina í Fréttablaðinu í gær. Gísli, sem er 35 ára þriggja barna faðir, fannst meðvitundarlaus utan dyra þann 21. ágúst síðastliðinn eftir að hafa farið út með félögum sínum að skemmta sér í Torrevieja.
Það er norskt sjúkraflug sem var á hagstæðara verði, og mun fara á laugardag frá Spáni. Það mun kosta sex milljónir, en þau eru um það bil búin að safna fyrir því. Flugið sem þau höfðu stefnt á hefði kostað átta milljónir.
„Við erum þakklát öllum þeim sem hafa hjálpað,“ segir Hildur. Hún tekur fram að söfnunin hafi bent á hversu mikið af góðhjörtuðu fólki sé til staðar.
Hildur segir að þau ætli þrátt fyrir að þau séu komin með það sem þau þurfi ætli þau ekki að loka söfnunarsíðunni, ef eitthvað skildi koma upp á, eða ef dæmið stæðist ekki.
Þá segir hún að ef það verði einhver umframkostnaður, þá muni hann renna til Sigurðar Kristinssonar sem er einnig fastur á Torevieja og leitast eftir sjúkraflugi eftir að hafa fengið heilablæðingu. Fjallað var um mál Sigurðar í Kastljósi í gær.