Netverjar í kasti yfir confetti-sprengju Friðriks Ómars: „Held þetta hafi verið Jógvan“
Fjölmargir Íslendingar fylgdust með beinni útsendingu Ríkisútvarpsins úr Eurovision-partýi Eurobandsins í Hörpu í gær en þegar þátturinn fór að líða undir lok varð uppákoma sem fæstir bjuggust eflaust við.
Friðrik Ómar var við það að kynna næstu atriði eftir að hafa tekið Eurovision lag sitt úr undankeppninni í fyrra, Hvað ef ég get ekki elskað, með Selmu Björnsdóttur, Regínu Ósk og Jógvan Hansen, þegar confetti-sprengja var sprengd í áttina að honum með þeim afleiðingum að honum dauðbrá og hluti sprengjunnar endaði meðal annars uppi í honum. Myndband af atvikinu hefur nú farið sem eldur í sinu á netinu.
„ELSKA ÞETTA held þetta hafi verið Jógvan hann er alltaf eitthvað að grínast,“ skrifar Margrét Erla Maack meðal annars á Twitter og birtir myndband með. „Hápunktur kvöldsins – Jafnvel vikunnar,“ skrifar Eva Ruza.
Þrátt fyrir að mikill kraftur hafi verið í sprengjunni og Friðriki brugðið til að byrja með virtist hann taka vel í uppátækið og mátti sjá hann hlæja áður en skipt var yfir í auglýsingar. Á heimasíðu RÚV má sjá þáttinn í heild sinni en atvikið á sér stað þegar um einn og hálfur klukkutími er liðinn.
ELSKA ÞETTA held þetta hafi verið Jógvan hann er alltaf eitthvað að grínast https://t.co/G77bCMyGHc
— Margrét Erla Maack (@mokkilitli) May 16, 2020
Hápunktur kvöldsins
— Eva Ruza (@evaruza) May 17, 2020
Jafnvel vikunnar😂#12stig pic.twitter.com/XhBr3Xkxp6
Best í kvöld #12stig pic.twitter.com/5koZ3TAuci
— Valgerdur María G. (@gunnarsdt) May 16, 2020
Það sem ég hló 🤣 #12stig pic.twitter.com/DbrD0T9MWg
— Sævar Már Reynisson (@smarreyniss) May 16, 2020