Dr. Guðni Th. Jóhannesson, prófessor, mun tilkynna um forsetaframboð sitt á fundi sem haldinn verður nk. fimmtudag í Salnum, Kópavogi. Búist er við fjölmenni.

Björk Guðmundsdóttir söngkona er sögð fremst meðal Íslenskra jafningja þegar kemur að eignum á Tortóla.

Ákvörðun Ólafs Ragnars frá í gær sýnir að hann hefur afar lítið álit á núverandi stjórnmálaflokkum. Fáum dylst að hann treystir þingheimi ekki. Honum líst ekkert á blikuna og hann þorir ekki að sleppa hendinni af íslenskum stjórnmálamönnum sem hann virðist telja hálfgerða óvita.

Enn gerir Sigmundur Davíð Gunnlaugsson, háttvirtur þingmaður, sig að athlægi. Nú síðast með því að benda fingri á samstarfsflokkinn og tala um “valdabaráttu” í Sjálfstæðisflokknum og að hann hafi verið að reyna að “hjálpa” Bjarna Benediktssyni með vanhugsaðri kröfu sinni um þingrof sem forsetinn gerði hann afturreka með og niðurlægði með hætti sem óþekktur er í sögu lýðveldisins fram að þessu.

Í umróti undanfarinna daga hefur það vakið athygli hversu týnd svokölluð forysta Sjálfstæðisflokksins hefur verið. Á sama tíma og þjóðin hefur staðið á öndinni út af atburðum sem tengjast háttsemi fráfarandi forsætisráðherra og formanns og varaformanns Sjálfstæðisflokksins hafa þingmenn og ráðherrar Sjálfstæðisflokksins verið nánast týndir.

Ný skoðanakönnun MMR sýnir að stuðningur við ríkisstjórnina er kominn niður í 26% sem er algert hrun. Stjórnarflokkarnir voru samtals með 51% atkvæða í kosningunum vorið 2013. Þeir hafa því tapað helmingi alls fylgis á þessum þremur árum sem hlýtur að vera Íslandsmet.