Mikill vatnselgur hefur verið á götum borgarinnar í morgun sem gert hefur ökumönnum lífið leitt. Það getur því verið taugatrekkjandi að vera Teslu-eigandi á dögum sem þessum þar sem dæmi eru um að rafhlaðan geti orðið fyrir vatnsskemmdum þegar ekið er ofan í djúpa polla.
Almannatengillinn Örn Úlfar Sævarsson birti myndband á Twitter í morgun af Teslu-bifreið sem ekur í gegnum mikinn vatnselg við Glæsibæ. „Tesla við íslenskar aðstæður,“ segir Örn Úlfar en eins og sjá má fór Teslan nokkuð auðveldlega í gegnum pollinn.
Tesla við íslenskar aðstæður. pic.twitter.com/X94e5mNAoi
— Örn Úlfar Sævarsson 🇺🇦 (@ornulfar) February 2, 2023
