Mynd dagsins á lögreglan á höfuðborgarsvæðinu sem hún birtir á Facebook. Á henni má sjá tvo lögreglumenn útskýra tveggja metra regluna svokallaða með handahreyfingu fyrir utan ónefndan skemmtistað í miðbæ Reykjavíkur.
Eins og lesendur muna eflaust fór lögreglan á stjá um helgina og kannaði sóttvarnarráðstafanir á 24 veitinga-og skemmtistöðum í miðbænum.
Á níu stöðum var allt í sóma en á fimmtán stöðum var svo ekki. Töluðu lögreglumenn jafnvel um að þeir hefðu ekki treyst sér inn á nokkra staði, svo þröngt var á milli manna að það orsakaði mikla smithættu.