Það má svo sannarlega segja að menn hjá Stífluþjónustu Bjarna séu með húmorinn í lagi. Mynd dagsins á Hringbraut, sem sjá má hér að neðan ber það með sér.
Vika er nú til alþingiskosninga og keppast flokkarnir við að koma sínum stefnumálum og kosningaloforðum á framfæri við kjósendur. Allt frá beingreiðslum til kjósenda, skattalækkunum og skattahækkunum.
Ljóst er að menn hjá Stífluþjónustu Bjarna telja sig vita hve mikils virði kosningaloforðin eru, að minnsta kosti í gríni.
Á vinnubíl stífluþjónustunnar segir einfaldlega: „Þessi bíll er fullur af kosningaloforðum“