Mynd dagsins að þessu sinni birtist á Facebook-síðu Kvennahreyfingarinnar og sýnir forsíður tveggja tímarita, annars vegar Húsfreyjunnar og hins vegar Sportveiðiblaðsins.
Á myndinni prýðir Katrín Jakobsdóttir forsætisráðherra forsíðu Húsfreyjunnar en Bjarni Benediktsson fjármálaráðherra forsíðu Sportveiðiblaðsins. Í færslu Kvennahreyfingarinnar stendur: „Auðvitað bara tilviljun, hefði svo auðveldlega getað verið öfugt.“
Hvort sá dagur muni koma að Bjarni Benediktsson prýði forsíðu Húsfreyjunnar og Katrín Jakobsdóttir forsíðu Sportveiðiblaðsins skal ósagt látið. Þess má þó geta að forsíða Húsfreyjunnar er af tímariti blaðsins sem kom út í fyrrasumar en umrætt eintak Sportveiðiblaðsins kom út í mars á þessu ári.
Auðvitað bara tilviljun, hefði svo auðveldlega getað verið öfugt.
Posted by Kvennahreyfingin on Föstudagur, 29. maí 2020
