Guðni Th. Jóhannesson tók við embætti forseta í annað sinn fyrr í dag en athöfnin var fámenn í ljósi sóttvarnaráðstafanna vegna kórónaveirufaraldursins.
Fyrrum forsetar lýðveldisins voru þó viðstaddir, þar á meðal Ólafur Ragnar Grímsson og Vigdís Finbogadóttir.
Ríkisútvarpið streymdi beint frá athöfninni og voru meðlimir Facebook hópsins Algjörlega óáhugaverðar stjórnmálaupplýsingar ekki lengi að ná skjáskoti af Ólafi með símann á lofti við athöfnina.
Í ljós kom að Ólafur hafði verið með símann á lofti til að ná mynd fyrir Twitter færslu þar sem hann sagði skrýtið að vera viðstaddur athöfnina á Alþingi þar sem hún væri svo fámenn.
In Corona times waiting for the second inauguration of @PresidentISL. Strange to be in this Parliament Hall. Before always crowded. pic.twitter.com/kICW7Xp6kU
— Ólafur Ragnar Grímsson (@ORGrimsson) August 1, 2020
