Fjölmargir lögreglumenn eru staddir í Hafnarfirði um þessar mundir eftir að vopnaður karlmaður hóf skothríð á bíl frá svölunum sínum.
Lögreglan fékk tilkynningu um mögulega skotárás klukkan 20 mínútur í átta í morgun og er lögreglan enn á svæðinu. Lögreglan er í samskiptum við manninn sem er enn í íbúðinni.
Lögreglan hefur afgirt svæði í kringum íbúðina en inn á miðju svæðinu er Nettó verslun. Verslunin hefur boðið lögreglumönnunum sem standa í ströngu upp á glaðning. Ljósmyndari Fréttablaðsins náði þessari mynd hér að neðan þar sem sést lögreglan hefur fengið að nóg að drekka á meðan ástandið stendur yfir.
Skúli Jónsson, aðstoðaryfirlögregluþjónn hjá lögreglunni á höfuðborgarsvæðinu, segir að lögregla sé enn í viðræðum við byssumanninn við Miðvang 41 í Hafnarfirði. Maðurinn er einn í íbúðinni og segir Skúli að lögreglan verði á svæðinu þar til maðurinn kemur út.
Skúli ræddi við fjölmiðla rétt fyrir klukkan 12 í dag.
Það var um hálf átta leytið í morgun að tilkynning barst lögreglu um að skotið hefði verið á bifreið fyrir aftan verslun Nettó við Miðvang af svölum íbúðar skammt frá. Eigandi bílsins fór í skýrslutöku hjá lögreglu í morgun og sagði Skúli að hann fengi nú þann stuðning sem hann þyrfti. Ekki er talið að tengsl séu á milli byssumannsins og eiganda bifreiðarinnar.
