Hjörleifur Jóhannesson bendir á frekar skemmtileg mistök í auglýsingabækling hjá Bónus í dag en þar er auglýst tilboð á instant núðlum frá Yumyum sem venjulega kosta undir 100 krónur á tilboði á 479 kr.
Þá stendur einnig að hægt er að fá 5 box og borga fyrir 6 box. Svona ef fólk vill gefa Bónus pening.
„Er þetta ekki góður díll?“ spyr Hjörleifur inn í hópnum Vertu og verði – eftirlit með verðlagi.
Um er að ræða augljósa prentvillu en allir auglýsingabæklingar eru birtir með fyrirvara um prentvillur.
