Guðmundur Felix Grétarsson getur nú hnyklað vöðvana eins og sést í nýjasta innslagi hans á Facebook síðu sinni. Ljóst er að bataferlið er að ganga vel.
Eins og alþjóð veit fór Guðmundur Felix í handaágræðslu í Frakklandi nú í janúar sem gekk vonum framar. Eftir 14 tíma aðgerð fékk hann nýjar hendur og sáu tugir lækna til þess að allt gengi upp.
Síðan þá hefur Guðmundur Felix verið á batavegi. Fréttablaðið greindi frá því í síðasta mánuði að hann hefði loksins fengið að knúsa barnabörnin, eftir áratuga bið.
Nú segist Guðmundur vera að fá meiri tilfinningu í hendurnar. „Alltaf pínulítið meira í hverri viku,“ svarar kappinn einum fylgjanda sínum.
