Minnast Finns og Jóhönnu: Opna styrktar­reikning fyrir börn þeirra

Parið sem lést í um­ferðar­slysi á Vestur­lands­vegi á sunnu­dag hét Finnur Einars­son og Jóhanna S. Sigurðar­dóttir. Finnur og Jóhanna voru með­limir í HOG Chapter Iceland, fé­lagi Harl­ey David­son-eig­enda á Ís­landi, og minnist fé­lagið þeirra á Face­book-síðu sinni.

Í færslu sem birt var á gær­kvöldi kom fram að annar með­limur í fé­laginu, Pétur Hall­dór Ágústs­son, hefði einnig slasast í slysinu og er hann á bata­vegi.

„Kæru fé­lagar, það er með mikilli sorg í hjarta að ég flyt ykkur þær fréttir að fé­lagar okkar í HOG Chapter Iceland, Finnur Einars­son og Jóhanna S. Sigurðar­dóttir, létust í bif­hjóla­slysinu á Kjalar­nesi síðast liðinn sunnu­dag. Börnum þeirra og að­stand­endum öllum, sem og vinum, vottum við okkar dýpstu sam­úð.“

Í frétt Frétta­blaðsins er haft eftir Bjarna Vest­mann, for­manni fé­lagsins, að Finnur og Jóhanna hafi verið virk í fé­laginu og lagt mikið af mörkum í starf fé­lagsins. Finnur tók til að mynda við vara­for­mennsku í fé­laginu um ára­mótin 2018/2019.

Finnur var 54 ára en Jóhanna 53 ára. Þau voru sam­býlis­fólk og bú­sett í Garða­bæ. Þau láta eftir sig fjögur upp­komin börn. HOG Chapter Iceland vakti einnig at­hygli á styrktar­reikningi fyrir börn þeirra sem munu ó­hjá­kvæmi­lega bera nokkurn kostnað vegna frá­falls þeirra. Þeim sem vilja styrkja þau er bent á eftir­farandi styrktar­reikning: 0114-15-382407. Kt:020168-4209.