Björn Berg Gunnarsson deildarstjóri hjá Íslandsbanka verður hjá Sjöfn Þórðar í þættinum Fasteignir og Heimili í kvöld:
Á tímum sem þessum er ekkert mikilvægara en fjárhagslegt öryggi heimilanna. Sjöfn Þórðar heimsækir Björn Berg Gunnarsson deildarstjóra hjá Íslandsbanka í höfuðstöðvar bankans og ræðir við hann um fjármál heimilana og mikilvægi þess að nýta sér ráðgjöf sérfræðinga fyrir fjármál heimilanna sem í boði eru.
„Það eru ýmsar leiðir í boði fyrir þá sem lenda í tímabundnum greiðsluerfiðleikum hjá bönkunum,“ segir Björn Berg og minnir jafnframt á það að mikilvægt sé að vanda allar ákvarðanir sem teknar eru og varða fjármál heimilanna. Vert sé að bóka tíma hjá ráðgjafa, fara yfir stöðuna í fjármálum, meta hana og ræða þær leiðir sem í boði eru. Staða einstaklinga er ólík og því er mikilvægt að meta stöðu hvers og eins til að velja hvaða leið sé best fyrir viðkomandi. Meira um þetta í þættinum í kvöld.
Þátturinn Fasteignir & Heimili verður á dagskrá í kvöld klukkan 20.30 og er að jafnan ferskur, fjölbreyttur og með persónulegum blæ.