Hlutirnir virðast þokast í rétta átt hjá Margréti Gauju Magnúsdóttur, leiðsögumanni og fyrrverandi bæjarfulltrúa í Hafnarfirði, eftir að hún veiktist af COVID-19 í fyrstu bylgju faraldursins.
Margrét veiktist í mars síðastliðnum en í viðtali við Fréttablaðið í september lýsti hún eftirköstum veikindanna. Talaði hún meðal annars um breytt bragð- og lyktarskyn og sagði meðal annars: „Það bragðast allt ógeðslega.“
Í færslu á Twitter-síðu sinni um helgina fagnaði hún því innilega að vera farin að geta drukkið Coca Cola á nýjan leik. Í færslunni sagði hún:
„ÉG GET DRUKKIÐ COCA COLA!!! ÞAÐ BRAGÐAST EKKI LENGUR EINS OG LAMBAKJÖT SEM HEFUR MYGLAÐ NIÐUR Í SVARTAN VÖKVA. FAGNIÐ MEÐ MÉR!!!!“
Margrét segir svo í athugasemd undir færslunni að það hafi gengið betur að glíma við eftirköstin á þessu ári og því eru hlutirnir vonandi að færast í rétta átt. „Næst er að prófa mandarínur og Pepsi Max,“ segir hún.
ÉG GET DRUKKIÐ COCA COLA!!! ÞAÐ BRAGÐAST EKKI LENGUR EINS OG LAMBAKJÖT SEM HEFUR MYGLAÐ NIÐUR Í SVARTAN VÖKVA.
— Margrét Gauja (@MargretGauja) January 23, 2021
FAGNIÐ MEÐ MÉR!!!! pic.twitter.com/dbn3NQvzU6
