Landbyggðarfréttamaðurinn Magnús Hlynur Hreiðarsson, greinir frá atviki sem honum fannst óþægilegt er hann fór í blóðprufu á Heilbrigðisstofnun Suðurlands á Selfossi.
„Kannski er það bara ég, en mér fannst frekar óþægilegt í gær þegar ég fór í blóðprufu á HSU hér á Selfossi að það skyldi vera handjárnaður fangi með tveimur fangavörðum líka á biðstofunni. Þarna voru um 20 manns, börn, unglingar og fullorðnir að bíða eftir allskonar þjónustu, ásamt fanganum í járnunum. Þetta var óþægilegt en kannski eðlilegt og allt í lagi, ég þekki það ekki, mér fannst allavega eitthvað mjög spés við þetta. Mín skoðun,“ skrifar Magnús Hlynur á Facebook.
Nokkrir greina frá sambærilegu atviki í athugasemdum undir færslu Magnúsar og segir móðir ein að hún hafi lent í sambærilegri stöðu með járnuðum fanga er hún var að fara með barnið sitt á heilsugæsluna. Hún segir að það hafi einnig verið óþægilegt.
Einar Ólafsson greinir hins vegar frá því að enginn ætti að óttast á meðan fanginn væri í járnum