„Vegna umfjöllunar fjölmiðla um andlát ungbarns í haust vill Lögreglan á höfuðborgarsvæðinu taka fram að ekki er talið að andlátið hafi borið að með saknæmum hætti,“ segir í tilkynningu frá lögreglunni á höfuðborgarsvæðinu.
Mannlíf greindi frá því í gær að rannsóknardeild lögreglunnar á höfuðborgarsvæðinu rannsaki andláts ungbarns sem lést á vistheimili barna á vegum Barnaverndar Reykjavíkur. Í fréttinni kom fram að andlátið hafi átt sér stað fyrr nærri tveimur mánuðum og lögregla verjist allra frétta.
Þá kom fram að ekki væri vitað hvernig andlátið bar að og beðið sé eftir niðurstöðu krufningar erlendis frá.
Nú hefur lögregla hins vegar sent frá sér tilkynningu þar sem áréttað er að ekki sé talið að andlátið hafi borið að með saknæmum hætti. „Ekki verða veittar frekari upplýsingar um málið,“ segir lögregla.