Í morgun greindi Fréttablaðið frá því að Kickstarter-bræðurnir, Einar Ágústsson og Ágúst Arnar Ágústsson, væru mennirnir á bak við pizzustaðinn Slæs sem opnaði á dögunum með pompi og prakt í Iðnbúð 2 Garðabæ.
Rekstrarfélag staðarins heitir Megn ehf. og er í 100 prósent eigu Einars en Ágúst Örn er skráður í varastjórn félagsins.
Glöggur hönnunarþenkjandi netverji las fréttirnar og benti Hringbraut umsvifalaust á að eitthvað kannaðist viðkomandi við lógó staðarins. Árið 2015 opnaði pizzustaðurinn Firecraft Pizza í Rapid-borg í Suður-Dakóta. Ef Facebook-síða staðarins er skoðuð má glögglega sjá að lógó félagsins, sem er höfundarréttarvarið, er nákvæmlega eins og lógó Slæs.
Lógó Firecraft Pizza:
Lógó Slæs:
Í áðurnefndri frétt Fréttablaðsins má lesa betur um feril bræðranna sem er skrautlegur í meira lagi.