Um hádegisbil í dag verður kynnt ný ríkisstjórn auk þess sem stjórnarsáttmáli ríkisstjórnarinnar verður kynntur. Boðað er til blaðamannafundar klukkan 13 á Kjarvalsstöðum þar sem formenn Framsóknarflokks, Sjálfstæðisflokks og Vinstrihreyfingarinnar – græns framboðs munu kynna og undirrita nýjan stjórnarsáttmála og ný ráðherraefni verða kynnt.
Eftir það mun ríkisráð koma saman til tveggja funda á Bessastöðum. Að þeim fundi loknum, rétt fyrir klukkan 17, mun ný ríkisstjórn vera kynnt á tröppunum á Bessastöðum en lyklaskipti fara þó líklega ekki fram fyrr en á mánudag.
Ekkert hefur enn verið formlega kynnt í ráðherraefnum flokkanna en í gær kvisaðist þó út af fjölmennum flokksráðsfundur hvaða ráðuneyti færu hvert og má búast við talsverður breytingum á ráðherraefnum og hlutverkum innan flokkanna miðað við það.
Sérstakt menntamálaráðuneyti sem sér um skóla- og barnamál verður hjá Framsókn en flokkurinn fær einnig sérstakt menningar- og ferðamálaráðuneyti. Sérstakt innviðaráðuneyti verður einnig í höndum Framsóknar sem fer með húsnæðis- og skipulagsmál ásamt samgöngu-og sveitarstjórnarmálum.
Dómsmálaráðuneytið fer aftur inn í innanríkisráðuneytið munu Sjálfstæðismenn stýra því ásamt umhverfisráðuneytinu, utanríkisráðuneytinu ásamt hluta atvinnumála með fyrrnefndu háskóla og nýsköpunar ráðuneyti.
Vinstri græn munu stýra forsætisráðuneytinu, félagsmálaráðuneytinu og sjávarútvegs og landbúnaðarráðuneytinu.
