Líf ver stuðning sinn við ríkisstjórnina: „Blikkaðu tvisvar ef þér er haldið í gíslingu“

Líf Magneudóttir, oddviti Vinstri grænna í borgarstjórn, segir að hún styðji ríkisstjórnina og segir allt betra með VG innanborðs. Hún hefur fengið vægast sagt blendnar viðtökur á Twitter en Líf er í meirihlutasamstarfi með Samfylkingunni, Pírötum og Viðreisn í borginni, sem eru í stjórnarandstöðu á þingi.

Tinna Haraldsdóttir femínisti segir: „Þvílíkur brandari.“ Líf svaraði að brandarinn væri hennar megin. Þá var hún gagnrýnd fyrir meintan skort á fókus á umhverfismálin, Líf hafnar því: „En þau eru víða og ekki bundin við ráðuneyti. Fólkið sem kemur hér á þráðinn minn og gerir lítið úr stjórnarsáttmála sem ég samþykkti (og hafði btw ekki séð) eru tæpast kjósendur vg. Það myndi gefa þessu smá pælingu fyrr en það reiðir til höggs,“ segir hún.

Björn nokkur spurði hvort hún treysti „siðspilltum Sjálfstæðismönnum“, Líf svaraði: „Ég treysti mínu fólki í vg og hef trú á því.“

Þá kom tístið: