Forsaga málsins er sú að Katrín Atladóttir, borgarfulltrúi Sjálfstæðisflokksins, birti mynd af sér með hjálm á höfði og í gulu vesti. „Að vera borgarfulltrúi snýst að miklu leyti um að klæða sig í gult vesti og hjálm,“ sagði hún.
Líf skrifaði athugasemd við færsluna þar sem hún sagði að þegar maður væri orðinn borgarstjóri færi maður að safna skóflum.
Aðalsteinn Kjartansson, blaðamaður á Stundinni og fyrrverandi liðsmaður Kveiks á RÚV, spurði í kjölfarið hvort borgarstjóri hirði alltaf skófluna sem hann notar þegar hann tekur fyrstu skóflustunguna að einhverju.
Svar Lífar var athyglisvert og eflaust ekki á allra vitorði:
„Þær safnast saman á skrifstofunni hans þar til hann gefur þær hingað og þangað til góðra nota.“
Að vera borgarfulltrúi snýst að miklu leyti um að klæða sig í gult vesti og hjálm. pic.twitter.com/wTJpWB68G1
— Katrín Atladóttir (@katrinat) June 8, 2021
