„Ég vona að þitt síðasta andartak verði ekki svona,“ segir Dr. Kenneth Remy, læknir í Missouri í Bandaríkjunum, í myndbandi sem vakið hefur mikla athygli. CBS News fjallaði um myndbandið.
Í myndbandinu reynir hann að varpa ljósi á það hvað sjúklingar sjá áður en þeir deyja af völdum COVID-19. Remy starfar meðal annars á Barnaspítalanum í St. Louis og Barnes-Jewish-sjúkrahúsinu í St. Louis og hefur hann meðal annars meðhöndlað einstaklinga með COVID-19.
Í myndbandinu benti Remy á að sjúklingar, sem eru mjög langt leiddir vegna COVID-19, andi um það bil 40 sinnum á mínútu en á sama tíma fellur súrefnismettunin langt niður undir 80.
Markmið Remy með birtingu myndbands er að hvetja fólk til að taka veiruna alvarlega og passa upp á nauðsynlegar varnir.
„Þetta er það sem þú gætir séð ef þú byrjar ekki að nota grímu, passa upp á fjarlægðina eða þvo þér um hendurnar. Ég lofa þér, þetta er það sem þú munt sjá.“
Please listen as this is dire. I don’t want to be the last person that looks in your frightened eyes. #MaskUp @DrKenRemy1 @WUSTLmed pic.twitter.com/qwb4eERlfE
— Kenneth E. Remy, MD, MHSc, FCCM (@DrKenRemy1) November 21, 2020
