Kjartan Henry Finnbogason, framherji KR, var ekki sáttur með klæðaburð Helgu Völu Helgadóttur þingkonu er hún mætti í þingsal í Vals treyju í gær.
Helga Vala er mikill Valsari en Valur spilaði í gær oddaleik við Tindastól um Íslandsmeistaratitilinn í körfubolta karla.
Rígurinn milli Vals og KR hefur alltaf verið mikill en það hellti olíu á eldinn þegar uppaldir KR ingar ákváðu að skipta yfir í Val. Valur tók síðan Íslandsmeistaratitilinn í gær.
„Það er eitt að vera á sokkunum en þetta er mesta vanvirðing í garð Alþingis sem ég hef séð,“ skrifar Kjartan Henry á Twitter en yfir 200 manns hafa líkað við færsluna.
Ekki eru þó allir sáttir með færslu Kjartans og skrifar Svala Jónsdóttir: „Hvernig er það vanvirðing að vera í hreinum og snyrtilegum bol? Ég er ekki Valsari en þetta kjánalegt.“
Það er eitt að vera á sokkunum en þetta er mesta vanvirðing í garð alþingis sem að ég hef séð.. #taxpayersmoneyhttps://t.co/pz8LVXJq00
— Kjartan Henry Finnbogason (@kjahfin) May 18, 2022