Ríkharð Óskar Guðnason, útvarpsmaður og íþróttafréttamaður, lenti í heldur skondnu atviki þegar hann var að lýsa leik FH og Víkings sem fram fór í Kaplakrika í gær.
Ríkharð, yfirleitt kallaður Rikki G., lýsti þá með tilþrifum stórhættulegri sókn Víkinga. Það var ekki fyrr en sóknin var búin að Rikki áttaði sig á því að um endursýningu var að ræða. Myndband af þessu sló hressilega í gegn á Twitter og deildi Rikki sjálfur myndbandinu.
„Viðurkenni að kolvetnin eru mjög lág þessa dagana. Úfff áfram gakk,“ sagði þessi stórskemmtilegi lýsandi.
"ERLINGÖÖH.......nei þetta var reyndar endursýning". Alvöru passion hjá @RikkiGje hvort sem um er að ræða endursýningu eða ekki. 😁 #pepsimaxdeildin #fh #víkingur #fotboltinet pic.twitter.com/PYFgvAsIVV
— Hrafnkell Helgi Helgason (@HHelgason7) September 18, 2020