Jónína Benediktsdóttir, íþróttafræðingur og athafnakona, varð fyrir því óláni að meiða sig í vikunni. Veðrið á suðvesturhluta landsins hefur ekki verið upp á marga fiska undanfarna daga. Að minnsta kosti hefur verið fljúgandi hálka víða í bland við éljagang og hvassviðri.
Jónína var stíga út úr bifreið sinni í fyrradag þegar hún rann og lenti illa á úlnliðnum. Hún sagði frá því í færslu á Facebook í gærmorgun að hún væri að vona að hún hefði ekki brotnað.
Hún sagði svo frá því í morgun að það væri gott að liggja undir með sæng með hljóðbók og slasaðan handlegg. Jónína telur að hún sé óbrotin, sem betur fer, og ætlar hún að láta fara vel um sig meðan úlnliðurinn jafnar sig.
„Ekki stíga út úr lágum bílum nálægt þeim, hálfan metra frá mæli ég með. Þetta er drullufúlt svona rétt fyrir jól en ég var búin að gera flest og því er kannski gott að gera bara ekkert um hríð. Það er spurning sem ég verð að svara fljótlega - hvað vil ég áorka næsta ár?“
Jónína hefur haft í nægu að snúast að undanförnu en hún stendur fyrir Detox-helgum á Hótel Örk í Hveragerði og njóta þær mikilla vinsælda.