Jóhann Traustason, sem oftast var kallaður Jói, er látinn 61 árs að aldri. Jói háði hetjulega baráttu við Bakkus ásamt eiginkonu sinni, Guðbjörgu Ingu Guðjónsdóttur, Guggu, svo eftir var tekið. Þau sögðu sögu sína í Kompási fyrir um áratug og náðu mögnuðum bata.
Greint er frá andláti Jóhanns á fréttavef DV.
Síðustu ár ævi sinnar starfaði Jóhann meðal annars fyrir Samhjálp þar sem hann sinnti þrifum og húsvörslu. Banamein hans var lifrarkrabbamein en hann lést í gærmorgun.
Þórunn Ísabella, dóttir Jóhanns, ræðir föður sinn í samtali við DV og segir hann hafa verið dásamlegan mann.
„Hann var dýrlingur, ljósberi og ljós allra er á vegi hans urðu. Hann blessaði okkur öll með jákvæðu hugarfari. Hann var mýksti og ærðulausasti maður sem ég þekki. Hann var hetjan mín.“
Hringbraut sendir vinum og aðstandendum Jóhanns samúðarkveðjur.
