Íslendingar eiga langerfiðast með að setja saman IKEA húsgögn. Þetta kemur fram í Fréttablaðinu í dag og er vísað til nýrrar greiningar breska miðilsins Household Quotes.
Greiningin var gerð með því að skoða orðalag streitu á samfélagsmiðlapóstum merktum IKEA í hverju landi. 64 prósent íslenskra pósta innihéldu orðalag sem bentu til streitu.Í öðru sæti lentu Ísraelsmenn með 50 prósent en flestar þjóðir voru með á bilinu 20 til 30 prósent stress.
Þá eru karlar almennt stressaðri fyrir því að setja saman húsgögnin heldur en konur og eru fleiri gremjupóstar frá þeim. Þegar konur pósta um IKEA er stressið hinsvegar aðeins hærra en hjá körlum, eða 2 prósentustigum hærra.
Það eru sófar sem valda fólki mesta stressi. Rétt rúmlega helmingur lét gremju sína í ljós við að setja slíkt upp. Ekki langt á eftir eru stórir stofuskápar, náttborð og vöggur. Auðveldara virðast að setja saman litla skápa, hægindastóla og skrifborð.
Frétt Fréttablaðsins um málið.