Steinunn Ólína Þorsteinsdóttir, ritstjóri Kvennablaðsins, spyr Heiðu Björg Hilmisdóttur, varaformann Samfylkingarinnar á facebook í dag um af hverju svokallað „nuddatviki“ Helga Hjörvars fyrrverandi þingmanns Samfylkingar hafi verið þaggað niður svona lengi.
Atvikið átti sér stað á ráðstefnu Norðurlandaráðs í Helsinki árið 2012 en finnsk kona hefur sakað Helga Hjörvar um að hafa leitast eftir kynferðislegu samneyti við sig með ósæmilegri hegðun. Ásakanirnar rötuðu síðan inn á borð stjórnar Samfylkingarinnar og öllu miklum titringi innan flokksins.
Helgi var formaður Íslandsdeildar ráðsins á þessum tíma en hafði tveimur árum áður gegnt embætti forseta Norðurlandaráðs.
Steinunn Ýr Einarsdóttir, formaður kvennahreyfingar Samfylkingarinnar steig nýlega fram á spjallvettvangi flokksins og sagði flokkinn eiga óuppgerðar sakir við kynferðisbrotamál sem hafa komið upp inn Samfylkingarinnar.
Steinunn Ólína vísar í frétt Vísis með færslu sinni þar sem þessar upplýsingar koma fram en þar rifjar Steinunn Ýr upp þegar hún endaði á sama lista á Helgi Hjörvar, sem hafði þá verið ásakaður um alvarlega kynferðislega áreitni. Steinunn Ýr segist varla geta lýst því hversu óþægilegt hafi verið að vita af því og geta ekkert gert: „Hann neitaði að víkja.“
Þegar atvikið í Helsinki átti sér stað var Heiða Björg formaður kvennahreyfingar Samfylkingar og spyr því Steinunn Ólína á Facebook í dag: „Hvers vegna var málið þaggað niður svo lengi?“
Nafna mín Steinunn Ýr rifjar upp þetta gamla mál um Helga Hjörvar sem dæmi um grasserandi kvenfyrirlitningu innan...
Posted by Steinunn Olina Thorsteinsdottir on Sunnudagur, 24. janúar 2021