„Ég glími við rosalega mikla þreytu daglega, alveg þannig að mig langar helst að leggjast niður á gólf og sofna. Ég fæ andþyngsli á hverjum degi, hvenær sem er dags, þó svo að ég liggi bara upp í sófa líður mér stundum eins og einhver sitji ofan á bringunni á mér.“
Sandra Liliana Magnúsdóttir, greindist með kórónaveiruna í byrjun apríl og þjáist enn af langvarandi einkennum hennar.
Hundruð Íslendinga glími enn við þrálát einkenni
Sandra er ein fjölmargra sem glíma enn við erfið eftirköst COVID-19 sjúkdómsins sem veiran veldur en talið er að hundruð Íslendinga séu enn með þrálát einkenni löngu eftir að þeir voru útskrifaðir.
Rætt var við Söndru og fleiri í sömu stöðu í ítarlegri umfjöllun á vef Fréttablaðisins.
„Við höfum hitt stöku einstaklinga sem eru með þessi langvinnu einkenni mörgum vikum, jafnvel mánuðum, eftir að þau veiktust og náðu bata af bráðu einkennunum,“ sagði Runólfur Pálsson, forstöðumaður á lyflækninga- og endurhæfingarþjónustu Landspítalans.
Vöðvamassinn á bak og burt
Þorgerður Sigurðardóttir var við hestaheilsu þegar hún veiktist í lok mars en hún var með háan hita í rúmar tvær vikur. Hún glímir enn við langvinnandi vandamál í kjölfar COVID-19 en segir þó allt vera að þokast í rétta átt.
Í lok maí eftir að erfiðasta hluta veikindanna lauk komst hún að því að veikindin höfðu útrýmt öllum vöðvamassa í líkama hennar.
Nánar má lesa um raunir Söndru, Þorgerðar auk Rakelar Grímsdóttur á vef Fréttablaðisins.