Hallgrímur Jónasson og Ágústa Hrönn Gísladóttir fylgdust stolt með syni sínum Viktori Gísla verja samtals 15 skot á móti Ólympíumeisturum Frakka á EM í handbolta í gær.
Í samtali viðFréttablaðið segir Hallgrímur að hann hafi búist við því að leikurinn yrði svipaður og við Dani en ekki átta marka sigri íslenska liðsins.
Hallgrímur þurfti hins vegar að horfa á leikinn í einangrun en hann greindist smitaður eftir riðlakeppnina en þau hjónin skelltu sér út til að fylgjast með drengnum á EM.
„Ég er í einangrun eftir að ég kom heim eftir riðlakeppnina. Þá greindist ég með Covid eins og ófáir,“ segir Hallgrímur í viðtali á Fréttablaðinu,
Spurður um hvernig tilfinning var að fylgjast með syninum verja hvert skotið að fæti öðru segir Hallgrímur hana hafa verið góða.
„Ég bara hálf frosinn hérna í sófanum. Ég var ekki að trúa því sem ég var að horfa á,“ segir Hallgrímur.
Þegar þau hjónin komu til landsins greindist Hallgrímur með Vovid en Ágústa ekki og hefur hann því verið í einangrun einn.
„Ég er bara með grímur hérna á heimilinu. Ég er í einangrun inn í svefnherbergi yfirleitt en ég kom nú fram og var hérna í góðri fjarlægð og með grímuna. Þannig við gátum aðeins fagnað saman,“ segir Hallgrímur.
Hægt er að lesa viðtalið í heild hér.