Helgi Seljan, fyrrverandi alþingismaður, lést á Landspítalanum í Fossvogi 10. desember. Hann var 85 ára að aldri.
Helgi var fæddur á Eskifirði 15. janúar 1934, sonur þeirra Friðriks Árnasonar og Elínborgar Kristínar Þorláksdóttur konu hans. Fósturforeldrar hans voru Jóhann Björnsson, bóndi í Seljateigi í Reyðarfirði, og kona hans Jóhanna Helga Benediktsdóttir.
Hann var fæddur á Eskifirði og hóf feril sinn sem kennari og skólastjóri á Austfjörðum. Var hann mjög virkur í félagsmálum og leiklist fyrir austan. Árið 1971 var hann kosinn á Alþingi fyrir Alþýðubandalagið og sat þar í 16 ár, og var forseti efri deildar þingsins um tíma. Þegar Helgi hætti á Alþingi varð hann félagsmálafulltrúi og síðar framkvæmdastjóri Öryrkjabandalags Íslands, til starfsloka 2001.
Útför Helga fer fram frá Grafarvogskirkju föstudaginn 20. desember klukkan 13:00.