Helga Vala lýsir því yfir að stjórnar­and­staðan sé ó­sam­stíga og í kosninga­hug

Helga Vala Helga­dóttir biðlar til fjöl­miðla um að hætta nefna stjórnar­and­stöðuna á nafn þegar rætt er við þing­mann eins flokks í stjórnar­and­stöðu eða þegar eitt­hvað er haft eftir honum. Þetta kemur fram í Face­book færslu hennar sem hún birtir í kvöld.

„Við erum að ljúka kjör­tíma­bilinu og ykkur mætti nú vera full­ljóst að stjórnar­and­stöðu­flokkarnir eru fimm ó­líkir flokkar, þótt sumir þeirra kunni að hafa ein­hverja snerti­fleti í ein­hverjum málum eins og gengur rétt eins og við stjórnar­flokka,“ skrifar Helga Vala.

Í dag var fjöl­miðla­frum­varp Lilju Al­freðs­dóttur, mennta­mála­ráð­herra, til um­ræðu á þingi þar sem lagt er til að einka­reknum fjöl­miðlum verði veittir styrkir. Stjórnar­anda­stöðu­þing­mönnum, meðal annars úr Mið­flokki og Flokki fólksins var tíð­rætt um veru Ríkis­út­varpsins á aug­lýsinga­markaði. Ljóst er að Sam­fylkingin hefur ekki verið í sama gír, miðað við orð Helgu Völu.

„Að gefnu til­efni skal upp­lýst að þing­flokkur Sam­fylkingar hélt því ekki fram í dag að verið væri að ríkisvæða alla fjöl­miðla eða talaði niður þjóðar­út­varpið. Það sáu þing­menn Mið­flokks al­farið um og þeir tala ekki í okkar nafni. Yfir og út.“