Helga Þórðardóttir, þingmaður Flokks ræddi um stöðuna á húsnæðismarkaði á Íslandi í ræðu sinni á Alþingi í dag og sagði stöðuna vera afar slæma.
„Húsnæðismál á Íslandi eru stór mál og bráðavandi er fyrir höndum vegna framboðs, kosts og verðhækkana. Öll þurfum við þak yfir höfuðið og það eru sjálfsögð mannréttindi að hafa heimili,“ sagði Helga.
„Sveitarfélög og stjórnvöld hafa undanfarin ár vanmetið íbúðaþörf svo um munar. Þetta hefur valdið gífurlegri hækkun á íbúðaverði og húsaleigu. Talið er að húsnæðisverð hafi hækkað um 22% á síðastliðnum 12 mánuðum. Afleiðingin er sú að ungt fólk sem er að kaupa sína fyrstu íbúð er skuldsett upp í rjáfur og hafa mörg þeirra fengið aðstoð foreldra til að fjármagna kaupin,“ bætti hún við.
Helg benti á að meira en fjórðungur leigjenda eru að greiða meira en 40% af ráðstöfunartekjum sínum í leigu.
„Skuldsett fólk hefur ekki kaupmátt til að efla hagvöxt. Það sama gildir um leigjendur.“
„Það má vel vera að samkvæmt einhverjum skýrslum þá sé ástandið gott hjá meðaltalinu en meðaltöl verði ekki í askana látin. Við verðum að hætta að samþykkja fátækt með því að nota meðaltöl. Við urðum að viðurkenna í sameiningu að á meðan fátækt er til staðar hefur okkur mistekist og við verðum að gera betur húsnæðisliður. Vandinn verður ekki leystur á einum degi því það tekur nokkur ár að byggja nýjar íbúðir. Vandi leigjenda og ungra kaupenda getur ekki beðið. Alþingi verður að grípa inn í þessa þróun strax með sértækum úrræðum.“
„Við í Flokki fólksins viljum skoða leigu það og þá sem tímabundin ráðstöfun. Við þurfum líka að aðstoða sérstaklega þá sem eru nýkomnir inn á íbúðamarkaðinn. Eitthvað verðum við að gera og við getum ekki horft upp á stjórnlausan markaðinn, ráðskast með lífsviðurværi fjölskyldnanna í landinu,“ sagði Helga að lokum.
