Uppáhalds söngvari þjóðarinnar, Bubbi Morthens, segir að hegðun ungra sem eldri karlmanna í garð kvenfólks verði að breytast. Þetta kemur fram í einlægri Twitter færslu hjá tónlistarmanninum sem vakið hefur mikla athygli.
„Hegðun karlmann ungra sem eldri verður að breytast hvað kvenfólk varðar,“ skrifar Bubbi. Nokkuð ljóst er að Bubbi rétt eins og þjóðin öll fylgist nú með þjóðmálaumræðunni þar sem söngvarar sem og íþróttamenn hafa verið sakaðir um meint kynferðisbrot.
„Og hún verður að byrja hjá þeim sjálfum menn verða grafa djupt inní kjarnan sinn og sjá og skilja,“ segir Bubbi. Færslan hefur vakið mikla athygli eða 148 viðbrögð og þakkar talskona Öfga, hópsins sem beindi spjótum að meintum brotum Ingós Veðurguðs, Bubba fyrir ummælin.
Vel mælt. ✨
— Tanja Ísfjörð (@tanjaisfjord) July 21, 2021
Getur verið pabbi minn bróðir minn vinur minn þjálfari dóttur minnar kennarinn hennar eiginmaður þinn kærastinn presturinn ég gefst upp 🥲🙏
— Bubbi Morthens (@BubbiMorthens) July 20, 2021
