Héraðsdómur Vestfjarða dæmdi fyrr í mánuðinum karlamnn í Karlmaður hlaut fyrr í mánuðinum fjögurra ára fangelsisdóm fyrir kynferðisbrot og nauðgun. Þetta kemur fram í frétt Fréttablaðsins.
Brotin beindust að systur eiginkonu mannsins frá því að hún var ellefu ára til sautján eða átján ára aldurs.
Ákæruliðirnir í málinu voru fjórir talsins. Sá fyrsti varðaði tvö atvik. Það fyrsta átti sér stað í fellihýsi árið 2016 þegar stúlkan var þrettán ára. Og það seinna um jólin ári síðar. Í báðum málum var maðurinn ákærður fyrir að þukla á brjóstum stúlkunnar og setja fingur í leggöng hennar.
Maðurinn neitaði því að hafa framið fyrra brotið og játaði seinna brotið, en neitaði að hafa látið stúlkuna fróa sér og féll ákæruvaldið frá þeim hluta ákærunnar. Hann vildi þó meina að ekki hafi verið um nauðgun að ræða heldur hafi háttsemin „verið með fullri þátttöku og vilja stúlkunnar.“
Annar ákæruliðurinn varðaði atvik sem átti sér stað á sveitabæ árið 2019. Maðurinn var þar ákærður fyrir að hafa beitt stúlkuna nauðung og notfært sér hana á meðan hún var sofandi. Honum var gefið að sök að hafa þuklað á brjóstum hennar og setja fingur í leggöng hennar. Hann neitaði fyrir það brot fyrir utan játningu um að hann hafi þuklað á brjóstum hennar.
Þriðji ákæruliðurinn varðaði ítrekaða kynferðislega áreitni. Manninum var gefið að sök að hafa frá árinu 2014 til 2018 eða 2019 áreitt stúlkuna kynferðislega á Snapchat með því að fá hana til að senda sér nektarmyndir af henni og fyrir að senda henni myndir af kynfærum sínum. Auk þess hafi hann sent henni gróf kynferðisleg skilaboð. Hann neitaði sök í þeim ákærulið.
Síðasti ákæruliðurinn varðaði áreitni sem átti sér stað á heimili hans árið 2021 þegar hann þuklaði á brjóstum hennar. Maðurinn játaði sök, en vildi meina að ekki væri um kynferðislega áreitni að ræða.
Með „einhvers konar þráhyggju fyrir henni“
Stúlkan kærði manninn í fyrra og í kjölfarið var maðurinn tekin í skýrslutöku. Þar játaði hann að hafa beitt hana kynferðisofbeldi og sagðist hafa verið með „einhvers konar þráhyggju fyrir henni.“
Hann greindi til að mynda frá því að þegar hún hafi flutt til sín og systur sinnar hafi hann átt það til að kíkja inn um gluggann þegar hún var í sturtu.
Fyrir dómi sagðist maðurinn hafa farið í sálfræðimeðferð. Áður fyrr hefði hann horft mikið á klám, en væri nú hættur því
„Hann hefði framið brot sín til að upplifa augnabliksspennu en síðan liðið illa í kjölfarið. Hann hefði ekki talið þetta rangt á sínum tíma þar sem brotaþoli hefði sýnt áhuga en það hefði ekki verið fyrr en eftir á að hann hefði farið að hugsa um hversu ung hún væri.“ segir í dómnum.
Óttaðist að skemma líf systur sinnar
Fyrir dómi greindi stúlkan frá því að áreitni mannsins hefði byrjað þegar hún var tíu eða ellefu ára gömul. Hún sagðist hafa vanist áreitni mannsins og viljað segja neinum frá hegðun hans í ótta um að skemma líf systur sinnar, eiginkonu brotaþola.
Árið 2022 hafi hún ákveðið að segja systur sinni frá málinu og hafi hún sagt að þetta kæmi sér ekki á óvart. Fyrir dómi sagðist systirin hafa brugðið við tíðindin og liðið ömurlega vegna þeirra og sagðist ekki hafa orðið vör við neitt.. Hún hefði hvatt manninn til að vinna í sjálfum sér.
Fyrir dómi báru foreldrar stúlkunnar vitni. Móðirin kvaðst ekki vita hvernig dóttur sinni liði og vildi ekki ræða það mikið. Faðir hennar sagðist ekki vilja vita mikið um brot mannsins þar sem hann væri skapbráður og óttaðist að hann tæki það út á manninum.