Hannes Hólmsteinn Gissurarson, prófessor í stjórnmálafræði við Háskóla Íslands, hefur aldrei farið leynt með aðdáun sína á Davíð Oddsyni, ritstjóra Morgunblaðsins og fyrrverandi forsætisráðherra.
Davíð fagnar 73 ára afmæli sínu í dag en hann fæddist á þessum degi árið 1948.
„Í dag er okkar sigursælasti stjórnmálamaður fyrr og síðar, Davíð Oddsson, 73 ára. Hér eru til gaman ljósmyndir af honum 10 og 15 ára gömlum,“ segir Hannes á Facebook-síðu sinni og birtir skemmtilegar myndir af Davíð.
Fjölmargir taka undir kveðju Hannesar til Davíðs, þar á meðal Jakob Frímann Magnússon. „Man afmælisbarnið 18 vetra á sviði Þjóðleikhússins í afar eftirminnilegu hlutverki Bubba kóngs. Nokkrir góðir dagar án Guðnýjar er hans besta smásaga og Við Reykjavíkurtjörn hans besti texti. Færum andríkum Davíð bestu heilla - og hamingjuóskir.“
Hæstaréttarlögmaðurinn og fyrrverandi fjölmiðlaútgefandinn Sigurður G. Guðjónsson segir: „Til hamingju með leiðtoga þinn Hannes.“
Í dag er okkar sigursælasti stjórnmálamaður fyrr og síðar, Davíð Oddsson, 73 ára. Hér eru til gaman ljósmyndir af honum 10 og 15 ára gömlum.
Posted by Hannes Hólmsteinn Gissurarson on Sunnudagur, 17. janúar 2021
