Meðmælendasöfnun fyrir forsetakjör 2020 gengur misvel hjá þeim karlmönnum sem bjóða sig fram til forseta Íslands en einn þeirra, Magnús Ingberg Jónsson, hefur ákveðið að draga sitt framboð til baka.
„Söfnunin sem fór af stað um daginn, þegar ég hóf framboðið, hún gengur ekki vel,“ segir Magnús en þrír dagar eru eftir af söfnuninni og þarf minnst 1500 meðmælendur til að geta boðið sig fram.
Þeir sem eru enn í framboði eru Guðni Th. Jóhannesson, sitjandi forseti, Guðmundur Franklín Jónsson, Axel Pétur Axelsson, Arngrímur Friðrik Pálsson og Kristján Örn Elíasson en Guðni hefur þegar náð að safna sínum undirskriftum.
Magnús segir framboð sitt í raun og veru vera sjálflokið ef litið er til rafrænu meðmælendasöfnunarinnar. „Ég var að þessu fyrir ykkur en ekki fyrir sjálfan mig þannig ég hafði engu að tapa,“ segir Magnús enn fremur.
„Þið kannski finnið bara einhvern annan sem þið treystið og er tilbúinn til að færa lýðræðið beint til þjóðarinnar,“ segir Magnús að lokum.