Fjölmargir netverjar hafa hæðst að útliti manns sem Lögreglan á höfuðborgarsvæðinu lýsti eftir í dag.
Lögreglan lýsir eftir hinum 40 ára gamla Mantas Telvikas.
Þau sem geta gefið upplýsingar um ferðir Mantas, eða vita hvar hann er niðurkominn, eru beðin um að hafa samband við lögreglu í síma 444 1000. Upplýsingum má einnig koma á framfæri í tölvupósti á netfangið abend[email protected]
Líkt og í flestum tilfellum deila netverjar skilaboðum áfram af Facebook-vegg lögreglunnar í góðri trú. Fjölmargir hafa þó gert grín að útliti Mantas, en hann er tileygður. Vísa margir í kvikmyndina Young Frankenstein.
Hafa nokkrir sett inn myndir af tileygðum persónum úr kvikmyndum og uppskorið hlátursviðbrögð. Maður að nafni Steini Sigurðsson sagði meðal annars: „Það verður erfitt að ná þessum, hann sér í allar áttir.“
Karen nokkur segir svona grín ósmekklegt:
„Mér finnst ósmekklegt að tala niður um mann út af hvernig hann lítur út. En, smá ráð fyrir Mantas: ef þú ætlar að vera viðriðinn glæpastarfsemi, kannski reyna að vera ekki svo sérkennandi í útliti?“
Tómas nokkur húðskammar netverjana:
„Ljótt að sjá hvað margir eru að gera grín að útliti fólks. Frekar hallærislegt.“
Björn nokkur segir að hann hafi farið að velta fyrir sér hvort einelti sé algengt hér á landi:
„Miðað við commentin þá fer ég að velta því fyrir mér hvort einelti sé það algengt hér á landi að það teljist frekar til þess að vera eðlilegt frekar en undantekning.“