Einar Karl Friðriksson bendir á ótrúlegan verðmun á Baron de Ley rauðvínsflösku. Vínið kostar 3000 krónur í ríkinu, 2400 krónur í Fríhöfninni en 1684 krónur í búð í Svíþjóð sem þó er Systembolaget og er eins og ÁTVR á Íslandi.
Áfengisskattar á Íslandi eru þeir hæstu í Evrópu og ætti þetta því ekki að koma landsmönnum á óvart. Haukur Heiðar, bruggari, bendir á að eftir síðustu skattabreytingar er 10 evru vín (c.1500 kr.) að kosta um 4000 til 5000 krónur á Íslandi.
Sjónvarpsmaðurinn Gísli Marteinn deilir færslu Einars og beinir spjótunum á réttan stað.
„Mér finnst þetta með ólíkindum. Þetta er einföld ákvörðun stjórnvalda. Af hverju langar þau að gera líf okkar glataðra?“ spyr Gísli.
Mér finnst þetta með ólíkindum. Þetta er einföld ákvörðun stjórnvalda. Af hverju langar þau að gera líf okkar glataðara? https://t.co/j7gfTEhrKr
— Gísli Marteinn (@gislimarteinn) March 23, 2023