Sjónvarpsmaðurinn og fyrrverandi borgarfulltrúinn Gísli Marteinn Baldursson segist hafa komið auga á skýrt merki um að hann „hafi þroskast smávegis með árunum.“
Hann segir að nú þyki sér það hin besta skemmtun þegar leikskólabörn koma inn í strætisvagn sem hann ferðast með.
„Þegar ég var ungur og vitlaus ranghvolfði ég augunum þegar ég sá hersinguna nálgast,“ skrifar hann á Twitter. Nú sé tíðin önnur og það sé „stórkostleg skemmtun þegar leikskólar koma um borð í strætó.“
Gísli Marteinn segir þó að ástæðan fyrir þessu gæti ekki verið þroski heldur að hann sé með Airpods Pro-heyrnartól í eyrunum í strætó.
Það er eitt skýrasta merkið um að ég hafi þroskast smávegis með árunum að núna finnst mér stórkostleg skemmtun þegar leikskólar koma um borð í strætó, en þegar ég var ungur og vitlaus ranghvolfði ég augunum þegar ég sá hersinguna nálgast. (Gætu líka verið airpods pro-in).
— Gísli Marteinn (@gislimarteinn) September 14, 2021