Dorrit Moussaieff, fyrrverandi forsetafrú, gekk framhjá slysstað er hún rölti heim úr mat um London á laugardag.
Frá þessu greinir hún á Instagram-síðu sinni í dag og birtir myndband á vettvangi.
Á myndbandinu sjást blá blikkandi ljós og lögreglu- og sjúkrabílar. Þá sést svartur bíll, sem virðist hafa keyrt yfir grindverk. Þegar Dorrit gengur fram á svarta bílinn heyrist lögregluþjónn biðja hana um að færa sig.
Á Instagram gefur Dorrit til kynna að málið tengist glæpastarfsemi og fíkniefnum.
Myndbandið sem Dorrit tók má sjá hér.
