Fylgi Sjálfstæðisflokksins mælist nú 23,5%, sem er tæpum fjórum prósentustigum minna en í könnun MMR sem gerð var í mars, þegar stuðningur við flokkinn jókst töluvert eftir nokkurra mánaða tímabil þar sem stuðningur við flokkinn sveiflaðist í kring um 20%.
Samfylkingin mældist næst með 14,1% fylgi, innan við prósentustigs lækkun frá síðustu mælingu.
Fylgi Vinstri grænna jókst aftur á móti um tvö og hálft prósentustig frá síðustu mælingu og mældist nú 12,3% og hefur ekki mælst hærri frá í september 2019.
Þá jókst fylgi Pírata um tæp tvö prósentustig frá síðustu mælingu og mældust þeir nú með 12,2% fylgi.