Vilhjálmur Bjarnason, frambjóðandi Sjálfstæðisflokksins í prófkjöri flokksins í Suðvesturkjördæmi, var óvæntur gestur á tískusíðu Fréttablaðsins í dag. Það er ekki vegna þess að hann mætti í hátískukjól eða kjólfötum á eitthvað mannamót heldur hitti það einfaldlega á að auglýsingin hans var á sömu síðu. Vilhjálmur var vel uppstilltur á myndinni og passaði hann því vel inn í hópinn.
Vilhjálmur sækist eftir öðru eða þriðja sæti á lista flokksins.
Hallgrímur Helgason rithöfundur slær á létta strengi á Twitter og segir:
„Tískusíða Fréttablaðsins nær nýjum hæðum.“
Tískusíða Fréttablaðsins nær nýjum hæðum. 😊 @frettabladid_is pic.twitter.com/26eF4jqu2J
— Hallgrímur Helgason (@HalgrimHelgason) June 11, 2021