Svanhildur Konráðsdóttir, forstjóri Hörpu, kemur tónlistarmanninum Auðunni Lútherssyni, betur þekktur sem Auður, til varnar á Facebook síðu myndlistarmannsins Jóns Óskars.
Þar reifar Jón Óskar mál Auðunns sem sakaður hefur verið um kynferðisbrot og hefur verið tekinn úr spilun á útvarpsstöðvum. „Hvað næst? Ætla Bónus og Dominos að loka á hann líka ... eruð þið að reyna að drepa manninn?“ spyr Jón Óskar.
Ýmsir þjóðþekktir einstaklingar taka undir, þar á meðal Svanhildur, blaðamaðurinn Jakob Bjarnar Grétarsson og sjónvarpskonan Sirrý Arnardóttir.
„Algjörlega sammála þér. Að taka tónlist hans úr spilun í þessu samhengi er bara galið að mínu mati - að maður tali nú ekki um hvers konar signal þetta er um það sem koma skal! Maður er eiginlega bara miður sín allan hringinn...,“ segir Svanhildur, forstjóri tónlistarhússins Hörpu.
„Svo sá ég skoðanakönnun um hvort útvarpsstöðvarnar eigi að hætta að spila tónlistina hans. Þetta er komið út fyrir skynsamleg mörk. Hættuleg svona dômharka og refsigleði,“ segir Sirrý sem þekktust er fyrir sjónvarpsþættina sína Fólk með Sirrý.