Flokkur fólksins er sá stjórnmálaflokkur sem hefur eytt langmestu í auglýsingar á samfélagsmiðlinum Facebook síðustu níutíu daga eða 1,45 milljónum króna. Á eftir flokknum kemur Samfylkingin með 833 þúsund krónur og svo Sjálfstæðisflokkurinn í 410 þúsund krónum.
Þetta má sjá í skýrslu auglýsingasafns Facebook. Píratar tóku tölurnar jafnframt saman og birtu á heimasíðu sinni í dag. Þeir hafa eytt minnstum pening í auglýsingakaup á þessu tímabili en alls hafa stjórnmálaflokkarnir eytt um fimm milljónum króna í auglýsingar á þessum bandaríska samfélagsmiðli.
Eyðslan virðist ekki skila sér í fylgi. Flokkur fólksins myndi ekki ná manni inn á þing, miðað við skoðanakönnun MMR, ef kosið væri í dag en flokkurinn 12,1 prósent. Þá er Samfylkingin með 10,9 prósent en var áður með 12,1 prósent en það var einmitt fylgi flokksins í Alþingiskosningunum 2017.