Flestir fordæma; en einhverjir segja að Reynir hafi átt þetta skilið

Reynir Traustason ritstjóri Mannlífs segir að flestir fordæmi slíka háttsemi eins og hann og fjölmiðlinn sem hann ritstýrir urðu fyrir á dögunum, en vandinn sé að það eru einhverjir þarna sem segja ,,hann hafa átt þetta skilið“. 

Eins og fram hefur komið var brotist inn í bíl Reynis og stolið þaðan lyklum meðal annars af ritstjórnarskrifstofu Mannlífs við Ármúla, farið þar og skemmt gögn. 

Reynir segist finna að lögreglan hafi mikinn metnað í að upplýsa þetta mál, og að það sé góð tilfinning,  því auðvitað sé það mjög alvarlegt mál fyrir frelsi fjölmiðla í landinu að slíkt  viðgangist. 

Reynir segist einnig vera með sína eigin rannsókn á málinu og að hann sé mjög nálægt því að vita hvað gerðist og hver braust inn. 

Rætt verður við Reyni Traustason á Fréttavaktinni á Hringbraut kl. 18:30 í kvöld.