Söngkonan Svala Björgvinsdóttir segir frá því í nýjasta þættinum „Með Loga“ í Sjónvarpi Símans að eftir að hún skildi við Egil Einarsson árið 2018 hafi hún flutt heim frá Los Angeles, með þrjár ferðatöskur, og gisti í herbergi hjá foreldrum sínum.
Hún segir skilnaðinn hafa verið erfiðan því þau þekktust svo lengi. Þau kynntust þegar hún var aðeins 16 ára gömul og feður þeirra voru vinir.
„Þetta er sorgarferli og auðvitað mjög erfitt, en gert í sameiningu og gert fallega og allt það. En samt ógeðslega erfitt,“ segir Svala í stiklu úr þættinum sem birt var á mbl.is í dag.
Hún segir frá því að hún hafi komið heim, eftir að hafa búið í Los Angeles í tíu ár, með aðeins þrjár ferðatöskur.
„Ég kom heim með þrjár ferðatöskur og er inni í herbergi hjá mömmu og pabba,“ segir Svala og bætir við:
„Ég er fertug og ég er inni í herbergi. Hvað er að gerast. Þetta er bara sýra.“
Þátturinn verður sýndur í heilu lagi í Sjónvarpi Símans í dag.
