Ekkja liðlega sjötugs manns sem lést skömmu eftir komu í áfengismeðferð í Hlaðgerðarkoti haustið 2016, tapaði dómsmáli gegn Samhjálp í Héraðsdómi Reykjaness á föstudaginn. Hún krafði samtökin um tæpar 12 milljónir í skaðabætur. Fréttablaðið greinir frá þessu.
Þar kemur fram að konan hafi fylgt manni sínum að Hlaðgerðarkoti þann 16. nóvember 2016. Maðurinn var undir áhrifum áfengis við komu á staðinn og upplýsti við innritun hann hefði átt við langvarandi áfengisvanda að stríða og áður farið í meðferðir bæði á landspítalanum og hjá SÁÁ.
Ekki var faglærður starfsmaður á vakt heimilisins umræddan dag og var því ófaglærður starfsmaður sá sem innritaði manninn og gaf honum lyf til afeitrunar. Maðurinn lagðist til svefns um fjögurleytið sama dag í herbergi sem honum var úthlutað. Enginn leit inn til mannsins fyrr laust fyrir miðnætti en starfsmaðurinn sem hafði innritað hann leit til hans upp úr klukkan ellefu um kvöldið. Þá var hann látinn. Starfsmaðurinn hafði verið einn á vakt frá því klukkan hálf fimm síðdegis og hafði um það bil 30 vistmenn í umsjá sinni.
Frétt Fréttablaðsins í heild sinni.
