Grímuskyldan verður afnumin í vögnum Strætó á morgun, 26. júní. Þetta staðfesti Guðmundur Heiðar Helgason, upplýsingafulltrúi Strætó, við Fréttablaðið.
Öllum samkomutakmörkunum verður aflétt innanlands frá og með morgundeginum.
Grímuskylda verður áfram við lýði innan Landspítala. Þá taka fimm nýjar reglur um heimsóknir gildi um mánaðarmótin.
- Gestir eru beðnir að gera grein fyrir sér við innganga hjá öryggisvörðum.
2. Fólk sem hefur einhver einkenni smitandi sjúkdóma er beðið að fresta heimsóknum þar til einkennin eru gengin yfir.
3. Gestir eru velkomnir til sjúklinga á Landspítala á auglýstum heimsóknartímum.
4. Gert er ráð fyrir tveimur gestum að hámarki hjá hverjum sjúklingi.
5. Grímuskylda gildir áfram á Landspítala.