Atli Þór Fanndal, fjölmiðlamaður og fyrrverandi ráðgjafi Pírata skaut föstum skotum að Kristínu Soffíu Jónsdóttur, borgarfulltrúa Samfylkingarinnar á samfélagsmiðlinum Twitter í gær.
Tilefnið var færsla þar sem færsla Katrínar Atladóttur, borgarfulltrúa Sjálfstæðisflokksins, um fallið tré í garði hennar var sett í samhengi við mál egypsku Kehdr fjölskyldunnar sem nú er á felum undan stjórnvöldum, þar sem vísa átti henni úr landi í síðustu viku.
Sjá einnig: Á suðupunkti í Silfrinu: Egill neyddist til að stöðva Atla og róa gesti niður
„Þetta þykir sjálfstæðisfólki sorglegt. Bara ef lifandi verur þyrftu ekki að vera rifnar upp með rótum þar sem þær eru búnar að koma sér vel fyrir,“ skrifar Twitter notandinn IngaBoogie og vísar þar auðsjáanlega í mál egypsku fjölskyldunnar.
Kristín Soffía kemur kollega sínum til varnar. „Þetta finnst mér ekki í lagi. Katrín er borgarfulltrúi og stendur sig vel. Hún er að leiða hjólreiðahóp og forgangsraða íþróttamannvirkjun. Hún sem borgarfulltrúi hefur jafn mikið með brottvísanir að gera og þú. Ef þú vilt að enginn nenni að vera í pólitík þá er þetta leiðin.“
Týpískt fyrir fulltrúa Samfylkingarinnar
Atli Þór bregst ókvæða við vörnum Kristínar til handa kollega sínum. Hann svarar ummælum Kristínar og segir týpískt að sjá fulltrúa Samfylkingarinnar verja einhvern sem gagnrýni fulltrúa Sjálfstæðisflokksins.
„Djöfull er það týpískt að fulltrúi
@Samfylkingin drulli yfir einhvern sem gagnrýnir fulltrúa sjálfstæðisflokksins. Djöfull er þetta týpískt fyrir þig Kristín Soffía. Enslaus fokking hroki og suss á fólk en medvirkni og tvöfalt siðferði með xd. Hvað er hægt að vera mikill luser.“
Kristín gefur ekki mikið fyrir orð Atla. „Hef ekki verið í námi erlendis síðan 2009 en vogaði mér til útlanda í fæðingarorlofi sem má. Þú ert hræðilegur.“
Atli er ekki hættur þar.
„Þú verð bara nákvæmlega enga virðingu fyrir fólkinu sem kom þér í þessa stöðu. Ótrúlegt að kjörinn fulltrúi skammist í almenning fyrir að gagnrýna politikus. Get ekki hugsað mér verri örlög en að njóta virðingar þinnar þannig að bestu þakkir. Ingaboogie getur látið skoða þetta,“ skrifar Atli.
Kristín svarar:
„Endilega aldrei styðja mig í nokkru Folded hands Þú áttar þig ekki á því hvað þú ert skaðlegur. Hvaða flokk ertu annars að pestera núna?“ og svarar Atli:
„Þetta er æði. Endilega gefðu í Kristín Soffía. Alls ekki biðjast afsökunar á að skamma fólk fyrir að gagnrýna fulltrúa sjálfstæðisflokksins í máli sem vekur reiði hjá fólki og snertir börn í leit að vernd.“
Þá blandar Katrín sér sjálf inn í umræðuna:
„Kristín Soffía er klár og fylgin sér. Hún kynnir sér málin vel og vinnur vel að öllu því sem hún tekur sér fyrir hendur. Borgarbúar eiga mjög góðan fulltrúa í henni og þetta orðfæri þitt að ofan dæmir sig sjálft. Ef þú vilt að engin nenni að vera í pólitík þá er þetta leiðin.“
Þetta finnst mér ekki í lagi. Katrín er borgarfulltrúi og stendur sig vel. Hún er að leiða hjólreiðahóp og forgangsraða íþróttamannvirkjun. Hún sem borgarfulltrúi hefur jafn mikið með brottvísanir að gera og þú. Ef þú vilt að enginn nenni að vera í pólitík þá er þetta leiðin.
— Kristín Soffía (@KristinSoffia) September 21, 2020
Ingaboogie ef þú vilt hefna þín fyrir þennan hroka getur þú látið athuga hvernig Kristín Soffía sat í borgarstjórn þrátt fyrir að vera í námi erlendis. Kristín þú kannski lærir að hætta þessum sleikjuskap við fína fólkið og muna að þú ert að nafninu til fulltrúi jafnadarflokks.
— Thor Fanndal (@fanndal) September 23, 2020
Endilega aldrei styðja mig í nokkru 🙏🏻 Þú áttar þig ekki á því hvað þú ert skaðlegur. Hvaða flokk ertu annars að pestera núna?
— Kristín Soffía (@KristinSoffia) September 23, 2020
Kristín Soffía er klár og fylgin sér. Hún kynnir sér málin vel og vinnur vel að öllu því sem hún tekur sér fyrir hendur. Borgarbúar eiga mjög góðan fulltrúa í henni og þetta orðfæri þitt að ofan dæmir sig sjálft. Ef þú vilt að engin nenni að vera í pólitík þá er þetta leiðin.
— Katrín Atladóttir (@katrinat) September 23, 2020