Ótrúleg frásögn af steinbítahvíslaranum Erlendi Bogasyni er að finna í Fréttablaðinu í dag. Þar segir frá ótrúlegri vináttu Erlends við steinbítinn Stefán, sem býr við Arnarnesstrýturnar í Eyjafirði.
Steinbíturinn Stefán hefur átt heima þar í rúman áratug og þangað heimsækir kafarinn Erlendur Bogason hann reglulega, enda telst Stefán vera hluti af fjölskyldunni.
Erlendur lýsir því hvernig hann hitti Stefán í fyrsta skiptið. „Hann fór að koma á móti mér og ég klappaði honum aðeins og klóraði honum undir hökunni og þá fékk hann mat í staðinn.“
Hætti Stefán raunar að gefa öðrum köfurum gaum, hann var farinn að þekkja Erlend það vel. „Hann syndir alltaf beint til mín þar sem hann veit að hann fær bita.“
Nánar má lesa um þessa ótrúlegu vináttu á vef Fréttablaðsins.
